گندھارا ہندکو بورڈ پشاور

ارباب ہاشم

دے اعزاز اچ تقریب

 

شہر پشور دے نامی گرامی ہندکووان سرخیل، فنِ مصوری، مجسمہ سازی، موسیقی تے فلسفہ جئے علوم دے ماہر ارباب ہاشم دے اعزاز اچ گندھارا ہندکو بورڈ پشاور تے سرحد چیمبر آف کامرس اینڈ انڈسٹری دے اشتراک نال ہک تقریب دا انعقاد سرحد چیمبر دے محسن ہال اچ 18 مارچ 2023نوں کیتا گیا۔

تقریب دیی صدارت گندھارا ہندکو بورڈ دے جنرل سیکرٹری محمد ضیاء الدین نے کیتی جدو کہ نظامت کے فرائض گندھارا ہندکو بورڈ پشاور دے جوائنٹ سیکرٹری احمد ندیم اعوان نے انجام دتے۔

گندھارا ہندکو بورڈ دے جنرل سیکرٹری محمد ضیاء الدین نے گل کتھ کر دے ائے کِیا کہ پشور دی تہرتی نے ارباب ہاشم دی صورت اچ عظیم سپوت جمائین۔ ارباب ہاشم نے فنِ مجسمہ سازی، پینٹنگ تے فلسفے دے میداناں اچ پوری دنیا اچ اپڑا نام روشن کیتے تے اج دی تقریب دا مقصد اُنہاں دی صلاحیتاں نوں دنیا دے سامنڑے لیانڑا وے۔

ارباب ہاشم نے فن مجسمہ سازی، بُدھا دی شخصیت تے فلسفے تے تفصیلی چانڑنا پایا۔ اُنہاں نے کِیا کہ آرٹ ہک سوچ دا نام اے، آرٹ دی کوئی حد نی اوندی۔ میرا مقصد آرٹ دے ذریعے اواز چُکنڑا تے سوشل میڈیا پلیٹ فارمز دے ذریعے اپڑے پیغام نوں دنیا تک پونچانڑا وے

اجلاس دے دوران گندھارا ہندکو بورڈ پشاور دے ایگزیکٹیو ممبران

وسیم شاہد
سعید پارس
سکندر حیات سکندر


حاجی احسان الٰہی دے علاوہ

ہندکو تے اردو دے شاعر ڈاکٹر خادم ابراہیم
تنویر کاظمی
نثار بزمی
نسیم سحر


ڈاکٹر فراز
مومن ندیم
قدسیہ قدسی
طاہرہ رفعت
ثروت ایڈووکیٹ
صحافی ناصر داوڑ
سمیت دیگر شرکاء نے ارباب ہاشم صاب نوں سنہرے لفظاں اچ خراجِ تحسین پیش کیتا۔

ارباب ہاشم نے 300 سی زیادہ پینٹنگز دے فن پارے تے 300 سے زیادہ مجسمے بنڑائن۔

قائداعظم
ذوالفقار علی بھٹو
اشفاق احمد
لتا جی
آئین سٹائن
مائیکل جیکسن
عمران خان تے
عابدہ پروین سمیت بے شمارنامور شخصیات دے مجسمے انہاں دی گیلری اچ موجود اُن


تقریب اچ گندھارہندکو اکیڈمی پشاور دے ریسرچ ایسوسی ایٹ علی اویس خیال نے اپڑے فی البدیہہ اشعار دے ذریعے ارباب ہاشم نوں منظوم خراج تحسین پیش کیتا

تقریب دے اخیر تے محمد ضیاء الدین صاب نے ارباب ہاشم دے نام سی رسالہ”ہندکووان سرخیل نمبر” شائع کرنے دا اعلان کیتا تے نالے اے بی اعلان کیتا کہ جیڑے بچے ،بچیاں آرٹ نال دلچسپی رکھ دین تے اُنہاں اچ صلاحیت تے فن موجود اے او گندھارا ہندکو بورڈ کول اپڑا نام رجسٹر کراوُن تے اُنہاں دی تربیت ارباب ہاشم کرسُن۔

 

 

Post by: Dr. Muhammad Adil