ہندکو ادبی تنقیدی اکٹھ
گندھارا ہندکو بورڈ پشاور دے تحت ہِک ادبی تنقیدی اجلاس منعقد ہویا جس اچ ہندکو تے اردو زبان دے شاعر جناب شاد محمد انشاء نے آپڑی غزل تنقید وسے پیش کیتی۔
اجلاس دی صدارت ہندکو اردو زبان دے نامور شاعر ادیب تے محقق محمود اختر سیماب نے کیتی جد کہ نظامت دے فرائض احمد ندیم اعوان صاب نے نبھائے۔
شاد محمد انشاء آپڑی غزل پیش کردے ہوئے
نشست دا آغاز تلاوت قرآن پاک نال ہویا۔ اس موقع تے مذکورہ شعراء دے علاوہ
سعید پارس
سکندر حیات سکندر
ملک افتخار
وقار اعوان
ملک زاہد اعوان
مدثر زیب
علی اویس خیال
محمد عاقل تے
محمد سلمان
نے بی شرکت کیتی۔
ادبی تنقیدی نشست دے شرکاء دی گروپ تصویر
خطبہ صدارت اچ صدر مجلس نے صاحب کاوش نوں مبارکباد پیش کیتی تے گندھارا ہندکو بورڈ پشاور دی علمی تے ادبی کاوشاں نوں سراہیا۔
اس موقع تے ہندکو، سرائیکی تے اردو زبان دے نامور شاعر تے ادیب سردار فاروق جان بابر آزاد دے حوالے نال قراردادِ تعزیت بی پیش کیتی گئی جد کہ مرحوم دے ایصال ثواب وسے دعا تے فاتحہ خوانی کیتی گئی جد کہ مشہور نعت خواں سردار نیازی دی والدہ وسے بی دعائے مغفرت کیتی گئی۔
اس موقعہ تے ہی آئندہ اجلاس دا اعلان کر دتا گئیا جس اچ ڈاکٹر محمد عادل ہندکو افسانہ تنقید وسے پیش کر سن
اے ادبی نشست مندرجہ ذیل شیڈول دے مطابق منعقد کیتی گئی۔
تاریخ : بروز جمعہ 10 ستمبر
وخت : 05:00 وجے (دِیگُر)
جگہ : 16۔ کریمی پلازہ میلاد چوک ہشتنگری، پشاور
شکریہ
By: Dr. Muhammad Adil
