Description

محترم احمد نواز سلیم قریشی صیب دی ہِک ایسی مایہ ناز کاوش اے جس دا دوسرا ایڈیشن گندھارا ہندکو اکیڈمی دے تحت حال اچ ہی چھپ کے منظر عام تے آیا، جد کہ اِس کتاب دا پہلا ایڈیشن بی گندھارا ہندکو بورڈ دے نے چھاپا اَیا۔ محترم احمد نواز سلیم قریشی گندھارا ہندکو بورڈ دے چیئرمین محترم اعجاز احمد قریشی صیب دے والد اَئے۔ کتاب دا سرورق انتہائی خوبصورتی نال ڈیزائین کیتا گئیا وے جیہڑے آپڑے عنوان دی بھر پور عکاسی کر دا ہویا نظر آندے۔ ایہہ کتاب تُسی گندھارا ہندکو اکیڈمی دے دفتر سی بی حاصل کر سکدیو جد کہ گندھارا ہندکو اکیڈمی دی ویب سائٹ تے بی موجود اے۔ جسراں کہ کتاب دے ناں سی پتہ چلدا وے کہ زیر موضوع کتاب A Dynamic View of Education تعلیم دے موضوع تے ہی لکھی گئی اے۔ فاضل مصنف نے اِس کتاب اچ بڑی تفصیل دے نا ل علم و تعلیم دے پیش نظر مختلف موضوعات تے روشنی پائی اے تے آپڑے مشاہدات تے تجربات دا نچوڑ اِس اچ شامل کیتا وے۔ ہِک طالب علم دی تربیت کسراں کرنی چائیدی اے تا کہ اوہ ملک و قوم دی ترقی اچ معاون ثابت ہووے۔ اِس دے علاوہ قدیم و جدید تعلیم داموازنہ بی کیتا گئیا کہ پہلے وختاں اچ تعلیم کسراں سِکھی یا سکھائی جاندی اَئی تے اِس دور اچ کیہہ صورت حال اے۔ ایہہ کتاب نہ صرف طالب علماں بلکہ درس و تدریس دے شعبہ نال وابستہ پروفیسرز تے اسکالرز وسے بی ہِک مشعل راہ وے۔ اِس کتاب دے مطالعہ دے دوران ایہہ بی پتہ چلدا وے کہ فاضل مصنف نوں مختلف زباناں تے عبور حاصل ہونڑے دے نال نال اناں دا مطالعہ بہت وسیع اے تے ایہہ کتاب پڑھ کے ہر قاری نوں بڑا فیدہ پہنچ سی۔

Book Available for Sale

Contact:

Gandhara Hindko Academy

2 Chinar Road, Abdara Road, University Town Peshawar.

091-9216223-24